కుప్పం గ్రామానికి సీఎం చంద్రబాబు బంపర్ ఆఫర్

కుప్పం నియోజకవర్గంలోని నలగాంపల్లి గ్రామాన్ని 'నెట్ జీరో' ఆదర్శ గ్రామంగా తీర్చిదిద్దాలని ఆంధ్రప్రదేశ్ ముఖ్యమంత్రి నారా చంద్రబాబు నాయుడు శనివారం అధికారులను ఆదేశించారు. వాతావరణంలోకి విడుదలయ్యే గ్రీన్‌హౌస్ వాయువులను సమతుల్యం చేసేలా ఈ నెట్ జీరో విధానాన్ని ఇక్కడ అమలు చేయనున్నారు. ఈ వినూత్న పద్ధతుల విజయవంతమైన అమలు ద్వారా, నలగాంపల్లిని రాష్ట్రానికే ఒక రోల్ మోడల్‌గా మార్చాలని సీఎం పిలుపునిచ్చారు. పర్యావరణ పరిరక్షణలో ఈ ప్రాజెక్టు అత్యంత కీలకమైనదని ఆయన స్పష్టం చేశారు.