చిత్తూరులో అభివృద్ధి పనులకు రూ.60 కోట్లు

చిత్తూరు నగరంలో మౌలిక సదుపాయాల అభివృద్ధికి హెచ్ఏఎం నిధుల నుంచి రూ.60 కోట్లు మంజూరయ్యాయి. ఈ పనులకు ఎమ్మెల్యేలు గురజాల జగన్‌మోహన్, కె. మురళీమోహన్ మంగళవారం శంకుస్థాపన చేశారు. నగర అభివృద్ధికి ఇప్పటివరకు రూ.404.42 కోట్లు మంజూరైనట్లు ఎమ్మెల్యేలు తెలిపారు. రోడ్లు, వీధిలైట్లు, కాలువలు తదితర సదుపాయాలను అభివృద్ధి చేసి చిత్తూరును ఆదర్శ నగరంగా తీర్చిదిద్దేందుకు కృషి చేస్తున్నట్లు పేర్కొన్నారు.