మోదీ నాయకత్వాన్ని కొనియాడిన చంద్రబాబు

భోగాపురం సభలో ప్రధాని నరేంద్ర మోదీ నాయకత్వాన్ని ఏపీ ముఖ్యమంత్రి చంద్రబాబు నాయుడు ప్రశంసించారు. ప్రజాస్వామ్య దేశాలు నాయకత్వ సంక్షోభాన్ని ఎదుర్కొంటున్న వేళ భారత్‌కు పరీక్షించిన నాయకత్వం లభించడం అదృష్టమని అన్నారు. మోదీకి దేశాన్ని ముందుకు నడిపే దూరదృష్టి, సామర్థ్యం ఉన్నాయని పేర్కొన్నారు. డిజిటల్ లావాదేవీల్లో భారత్ అగ్రస్థానంలో నిలవడంలో ప్రధాని పాత్ర కీలకమని చంద్రబాబు తెలిపారు.