చేవెళ్ల మెడికల్ కాలేజీలో ఆకస్మిక ఉద్రిక్తత

తమకు రావలసిన స్టైపెండ్లను వెంటనే విడుదల చేయాలని డిమాండ్ చేస్తూ చేవెళ్లలోని పట్నం మహేందర్ రెడ్డి మెడికల్ కాలేజీ విద్యార్థులు మంగళవారం భారీ నిరసనకు దిగారు. క్యాంపస్‌లో కనీస మౌలిక సదుపాయాలను మెరుగుపరచాలంటూ యాజమాన్యానికి వ్యతిరేకంగా నినాదాలు చేశారు. దీర్ఘకాలికంగా ఎదుర్కొంటున్న సమస్యల పరిష్కారం కోసం వైద్య విద్యార్థులు ఈ ఆందోళన చేపట్టారు. ఇప్పటికైనా అధికారులు స్పందించి సమస్యలను వెంటనే పరిష్కరించాలని వారు ఈ సందర్భంగా తీవ్రంగా డిమాండ్ చేశారు.