సీదిరి అప్పలరాజు తనయుడిపై కేసు

శ్రీకాకుళం జిల్లా కాశీబుగ్గలో అతివేగంతో బైక్ నడిపి గొర్రెల కాపరి దానయ్య మృతికి కారణమైన మాజీ మంత్రి సీదిరి అప్పలరాజు కుమారుడు ఆరవ్‌పై పోలీసులు కేసు నమోదు చేశారు. శుక్రవారం రాత్రి జరిగిన ఈ ప్రమాదాన్ని సీసీటీవీ దృశ్యాల ద్వారా పోలీసులు ధృవీకరించారు. ప్రమాదం తర్వాత ఆరవ్‌ను కారులో తరలించినట్లు అధికారులు గుర్తించారు. బాధితుని కుటుంబసభ్యుల వాంగ్మూలాలు తీసుకుని, కీలకమైన సీసీటీవీ ఫుటేజీని స్వాధీనం చేసుకున్న పోలీసులు దర్యాప్తును వేగవంతం చేశారు.