బస్సులో గొలుసు చోరీ ముఠా అరెస్ట్

చాదర్‌ఘాట్ పరిధిలో బస్సులో ప్రయాణికుడి మెడలోని 2.5 తులాల బంగారు గొలుసును అపహరించిన ముఠాలోని ప్రధాన నిందితుడిని పోలీసులు అరెస్టు చేశారు. నిందితుడు రతన్ బాదల్‌ను అదుపులోకి తీసుకుని, చోరీకి గురైన సొత్తును స్వాధీనం చేసుకున్నారు. ఈ చోరీలో పాల్గొన్న మరో ముగ్గురు నిందితులు పరారీలో ఉన్నారు. వారి కోసం ప్రత్యేక బృందాలు గాలింపు చేపట్టినట్లు పోలీసులు తెలిపారు.