ఫిరంగిపురంలో దొంగల బీభత్సం: వణికిపోతున్న స్థానికులు

గుంటూరు జిల్లా ఫిరంగిపురం మండలంలో వరుస దొంగతనాలు స్థానికులను కలవరపెడుతున్నాయి. గత పది రోజుల్లో నాలుగు గ్రామాల్లో జరిగిన ఈ చోరీల్లో సుమారు రూ. 8 లక్షల విలువైన నగదు, ఆస్తులు అపహరణకు గురయ్యాయి. అల్లవారిపాలెం, కొత్తపేట, వేములూరిపాడు, అమీనాబాద్ ప్రాంతాల్లో జరిగిన ఈ ఘటనలతో ప్రజలు తీవ్ర భయాందోళనలకు గురవుతున్నారు. నిందితులను పట్టుకుని, రాత్రి వేళల్లో పోలీసు గస్తీని పెంచాలని స్థానికులు డిమాండ్ చేస్తున్నారు.