బస్టాండ్‌లో పసికందు వదిలివేత

మహబూబ్‌నగర్ ఆర్టీసీ బస్టాండ్‌లో నెలలు నిండిన మగ శిశువును గుర్తుతెలియని మహిళ వదిలివెళ్లిన అమానుష ఘటన కలకలం రేపింది. పూలు విక్రయించే వారి వద్ద బాలుడిని ఉంచి ఆమె పరారైంది. స్థానికుల సమాచారంతో రంగంలోకి దిగిన పోలీసులు, ఐసీడీఎస్‌ అధికారుల సహకారంతో బాలుడిని శిశుగృహకు తరలించారు. తల్లి ఆచూకీ కోసం పోలీసులు దర్యాప్తు ముమ్మరం చేశారు.