బొండాడ ఇంజనీరింగ్‌కు భారీ ఆర్డర్: రూ. 1,338 కోట్ల ప్రాజెక్ట్

ఎన్‌టీపీసీ రెన్యువబుల్ ఎనర్జీ నుంచి రూ. 1,338 కోట్ల భారీ ఆర్డర్‌ను బొండాడ ఇంజనీరింగ్‌ లిమిటెడ్ దక్కించుకుంది. ఉత్తర ప్రదేశ్‌లో 250 మెగావాట్ల సామర్థ్యం గల సౌర విద్యుత్ మరియు బ్యాటరీ స్టోరేజీ ప్రాజెక్ట్‌ను ఈపీసీ పద్ధతిలో కంపెనీ పూర్తి చేయనుంది. ఈ ప్రాజెక్టును వచ్చే 18 నెలల్లో పూర్తి చేయాలని లక్ష్యంగా పెట్టుకున్నారు. ఇందులో 50 మెగావాట్ల సౌర విద్యుత్ ప్లాంట్ మరియు 200 మెగావాట్ల బ్యాటరీ ఎనర్జీ స్టోరేజీ సిస్టమ్ (BESS) అభివృద్ధి పనులు చేపట్టనున్నారు.