డోన్ సమీపంలో బోల్తా పడిన బొలెరో

కర్నూలు జిల్లా డోన్ మండలం కామగనికుంట్ల సమీపంలో సోమవారం ఒక బొలెరో వాహనం అదుపు తప్పి బోల్తా పడింది. అతివేగమే ప్రమాదానికి కారణమని తెలుస్తోంది. ఈ ప్రమాద సమయంలో వాహనంలో ప్రయాణిస్తున్న రైతులకు స్వల్ప గాయాలయ్యాయి. స్థానికులు వెంటనే స్పందించి సహాయం చేయడంతో రైతులు సురక్షితంగా బయటపడ్డారు. ఈ ఘటనలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. ప్రమాదానికి గల కారణాలపై పోలీసులు విచారణ జరుపుతున్నారు.