డక్కిలి అడవుల్లో పెద్దపులి జాడ?

డక్కిలి మండలం వెంబులూరు అటవీ బీట్‌ పరిధిలో ఏర్పాటు చేసిన ట్రాక్‌ కెమెరాలో పెద్దపులి సంచరించినట్లు భావిస్తున్న చిత్రం నమోదైనట్లు సమాచారం. పులుల గణన సర్వేలో భాగంగా అటవీశాఖ ఈ కెమెరాలను ఏర్పాటు చేసింది. కెమెరా ఫుటేజీని పరిశీలన కోసం శ్రీశైలం పులుల సంరక్షణ కేంద్రానికి పంపినట్లు అధికారులు తెలిపారు. అయితే పెద్దపులి సంచారంపై తమకు ఇంకా అధికారిక సమాచారం అందలేదని స్థానిక అటవీశాఖ అధికారులు వెల్లడించారు.