భారీ వర్షాలకు పొంగిపోతున్న చెక్ డ్యాములు

డి.హీరేహాళ్ మండలం గొడిశలపల్లి గ్రామంలో గత మూడు రోజులుగా కురిసిన భారీ వర్షాలకు చెక్‌డ్యామ్‌లు నిండి పొంగి పారుతున్నాయి. ఈ సందర్భంగా వర్షాలతో స్థానిక చెరువుల్లోకి పెద్దెత్తున నీరు చేరుతోంది. భూగర్భ జలాలు పెరిగేందుకు ఈ వర్షాలు ఎంతో దోహదపడతాయని స్థానిక రైతులు ఆనందం వ్యక్తం చేస్తున్నారు. వంక పరివాహక ప్రాంతాల ప్రజలు అప్రమత్తంగా ఉండాలని అధికారులు సూచించారు.