ఫార్మా సిటీ బాధితులకు మెరుగైన పరిహారం అందించాలి: జగన్

విశాఖ ఫార్మా సిటీ అగ్నిప్రమాదంలో మృతి చెందిన కార్మికుల కుటుంబాలకు జగన్ ప్రగాఢ సానుభూతి తెలిపారు. మృతుల కుటుంబాలను ప్రభుత్వం ఆదుకోవాలని, క్షతగాత్రులకు మెరుగైన వైద్యం అందించాలని ఆయన ప్రభుత్వాన్ని కోరారు. ప్రమాదానికి గల కారణాలపై సమగ్ర విచారణ జరిపి, బాధ్యులపై కఠిన చర్యలు తీసుకోవాలని జగన్ డిమాండ్ చేశారు. భవిష్యత్తులో ఇలాంటి ఘటనలు జరగకుండా ఫ్యాక్టరీలలో భద్రతా ప్రమాణాలను పటిష్టం చేయాల్సిన అవసరముందని ఆయన పేర్కొన్నారు.