బేతపూడి చెరువులో మహిళ, బాలిక మృతదేహాలు లభ్యం

మంగళగిరి మండలం బేతపూడి గ్రామ చెరువులో ఆదివారం లభ్యమైన మహిళ, బాలిక మృతదేహాలను పోలీసులు ప్రత్తిపాటి దుర్గాదేవి (40), ప్రత్తిపాటి సుమ (స్మైలీ)గా నిర్ధారించారు. మృతులిద్దరూ బంధువులని, దుర్గాదేవి మరిది కూతురే స్మైలీ అని తెలుస్తోంది. ఈ ఘటనపై కేసు నమోదు చేసిన పోలీసులు అసలు కారణాలను వెలికితీసేందుకు పూర్తిస్థాయిలో దర్యాప్తు జరుపుతున్నారు.