ఫుట్‌పాత్‌ల పునరుద్ధరణకు బెంగళూరు శ్రీకారం.

బెంగళూరు నగరంలో పాదచారుల భద్రత కోసం గ్రేటర్ బెంగళూరు అథారిటీ 'సేఫ్ ఫుట్‌పాత్' పేరిట ప్రత్యేక ప్రచారాన్ని చేపట్టింది. సుప్రీంకోర్టు ఆదేశాల మేరకు మంత్రి కృష్ణ బైరేగౌడ నేతృత్వంలో ఈ కార్యక్రమం శరవేగంగా సాగుతోంది. ఇప్పటికే దాదాపు 430 కిలోమీటర్ల మేర ఫుట్‌పాత్‌లపై ఉన్న 9,878 ఆక్రమణలను అధికారులు తొలగించారు. నమోదిత వీధి వ్యాపారుల జీవనోపాధి దెబ్బతినకుండా వారికి ప్రత్యామ్నాయంగా ప్రత్యేక స్థలాలను కేటాయిస్తున్నట్లు ప్రభుత్వం వెల్లడించింది.