విశాఖలో భారతీయ సంప్రదాయంలో ఆస్ట్రేలియా జంట వివాహం

ఆస్ట్రేలియాకు చెందిన బ్రాడీ, ఎమిలీ విశాఖలో భారతీయ సంప్రదాయ పద్ధతిలో వివాహం చేసుకున్నారు. ఓ వివాహానికి అతిథులుగా వచ్చిన ఈ జంట ఇక్కడి ఆచారాలు, వేడుకలకు ముగ్ధులై అదే పద్ధతిలో ఒక్కటవ్వాలని నిర్ణయించుకుంది. వేద మంత్రాల నడుమ బ్రాడీ ఎమిలీ మెడలో మంగళసూత్రం కట్టాడు. అనంతరం పూలదండలు మార్చుకుని అగ్నిసాక్షిగా ఏడడుగులు నడిచారు.