భారత్‌కు ఆస్ట్రేలియా భారీ అణు వరం

భారత్, ఆస్ట్రేలియా మధ్య చారిత్రాత్మక అణుశక్తి సహకార ఒప్పందం కుదిరింది. దీనివల్ల మన దేశ ఇంధన అవసరాల కోసం ఆస్ట్రేలియా నుండి యురేనియం దిగుమతులకు అధికారికంగా మార్గం సుగమమైంది. ఇరు దేశాల ద్వైపాక్షిక వ్యూహాత్మక భాగస్వామ్యాన్ని ఈ ఒప్పందం మరింత బలోపేతం చేయనుంది. ఇండో-పసిఫిక్ ప్రాంతంలో శాంతి, స్వచ్ఛ ఇంధన భద్రతకు ఈ అడుగు కొత్త ఊపునిస్తుందని ప్రధాని మోదీ సంయుక్త మీడియా సమావేశంలో స్పష్టం చేశారు.