అస్సాం సీఎంగా హిమంత బిశ్వ శర్మ: రెండోసారి ప్రమాణ స్వీకారం

హిమంత బిశ్వ శర్మ అస్సాం ముఖ్యమంత్రిగా వరుసగా రెండోసారి ప్రమాణం చేశారు. ప్రధాని మోదీ సమక్షంలో జరిగిన ఈ వేడుకలో ఆయనతో పాటు మరో నలుగురు మంత్రులు బాధ్యతలు చేపట్టారు. అస్సాంలో ఈ ఘనత సాధించిన తొలి భాజపా నేతగా ఆయన చరిత్ర సృష్టించారు. 126 స్థానాలకు గాను ఎన్డీయే కూటమి 102 సీట్లు గెలుచుకుని ఘనవిజయం సాధించింది. భాజపా సొంతంగా 82 సీట్లు దక్కించుకోవడంతో రాష్ట్రంలో వరుసగా మూడోసారి ఎన్డీయే ప్రభుత్వం కొలువుదీరింది.