ట్రంప్ గోల్ఫ్ క్లబ్ వద్ద సాయుధుడి అరెస్టు

అమెరికా అధ్యక్షుడు డొనాల్డ్ ట్రంప్‌కు చెందిన గోల్ఫ్ క్లబ్ సమీపంలో తుపాకీతో సంచరిస్తున్న వ్యక్తిని పోలీసులు అరెస్టు చేశారు. సీక్రెట్ సర్వీస్ సమాచారంతో లాస్ ఏంజెలిస్ కౌంటీ పోలీసులు అతడిని అదుపులోకి తీసుకున్నారు. నిందితుడి వద్ద తుపాకీ, మేగజైన్‌, అదనపు తూటాలు లభించినట్లు పోలీసులు తెలిపారు. ట్రంప్ పర్యటనకు ముందు ఈ ఘటన చోటుచేసుకోగా, కేసు నమోదు చేసి దర్యాప్తు కొనసాగిస్తున్నారు.