అనపర్తి సత్య గౌరి థియేటర్ లో అగ్నిప్రమాదం.. రూ. 3.5లక్షల ఆస్థి నష్టం

అనపర్తిలోని సత్యగౌరీ థియేటర్‌లో గురువారం ఉదయం ఆట సమయంలో ఏసీ షార్ట్ సర్క్యూట్‌తో అగ్నిప్రమాదం జరిగింది. ఉదయం ఆట జరిగే సమయంలో ఏసీలోంచి మంటలు రావడంతో అప్రమత్తమైన సిబ్బంది ప్రేక్షకులను బయటకు పంపించేశారు. ఈ ఘటనలో ఎవరికి ఎటువంటి ప్రమాదం జరగలేదు. అగ్నిమాపక సిబ్బంది మంటలను అదుపు చేశారు. ఈ ప్రమాదంలో సుమారు రూ.3.5 లక్షల ఆస్తి నష్టం వాటిల్లినట్లు అగ్నిమాపక అధికారి శ్రీనివాసరావు తెలిపారు.