అన్నవరం-మంగళాపురం రోడ్డుకు మరమ్మతులు చేపట్టాలని వినతి

మోపిదేవి మండలం వెంకటాపురం పంచాయతీ శివారు అన్నవరం నుంచి మంగళాపురం వెళ్లే రోడ్డుకు మరమ్మతులు చేయించాలని గ్రామస్తులు కోరుతున్నారు. విద్యార్థులు, రైతులు నిత్యం ఈ రోడ్డుపైనే రాకపోకలు సాగిస్తున్నారు. రాత్రివేళల్లో గుంతలు కనిపించక వాహనదారులు ప్రమాదాలకు గురవుతున్నారని తెలిపారు. అధికారులు స్పందించి రోడ్డుకు మరమ్మతులు చేపట్టాలని విజ్ఞప్తి చేశారు.