అనంతపురంలో ఘోర రోడ్డు ప్రమాదం

అనంతపురం జిల్లా రోటరీపురం వద్ద కారు అదుపుతప్పి హోటల్‌లోకి దూసుకెళ్లింది. ఈ ఘోర ప్రమాదంలో ఇద్దరు యువతులు అక్కడికక్కడే దుర్మరణం చెందగా, మరో ఇద్దరు యువకులు తీవ్రంగా గాయపడ్డారు. అతివేగమే ఈ ప్రమాదానికి కారణమని పోలీసులు ప్రాథమికంగా నిర్ధారించారు. క్షతగాత్రులను వెంటనే ఆసుపత్రికి తరలించి, ఈ ఘటనపై కేసు నమోదు చేసి దర్యాప్తు జరుపుతున్నారు.