అన్న క్యాంటీన్ ను పరిశీలించిన కమిషనర్

ఆమదాలవలసలోని అన్న క్యాంటీన్‌ను మున్సిపల్ కమిషనర్ తమ్మినేని రవి గురువారం సందర్శించారు. ఈ సందర్భంగా ప్రజలతో మాట్లాడి క్యాంటీన్‌లో అందిస్తున్న ఆహారం నాణ్యత, రుచిపై ఆరా తీశారు. పేద ప్రజలకు రుచికరమైన, నాణ్యమైన ఆహారం అందించడమే ప్రభుత్వ ఉద్దేశమని తెలిపారు. క్యాంటీన్ పరిసరాలను పరిశుభ్రంగా ఉంచాలని సిబ్బందికి సూచించారు. కార్యక్రమంలో అధికారులు, క్యాంటీన్ నిర్వాహకులు పాల్గొన్నారు.