జూరాల నీటి విడుదలపై ఆయకట్టు రైతుల ఆగ్రహం

జూరాల ప్రాజెక్టుకు భారీగా వరద వస్తున్నా నీటిని దిగువకు వదులుతూ చెరువులను ఎండబెట్టడంపై ఆయకట్టు రైతులు ఆగ్రహం వ్యక్తం చేస్తున్నారు. గతంలో లిఫ్ట్‌ల ద్వారా చెరువులను నింపేవారని గుర్తుచేశారు. ప్రస్తుతం నీటిని శ్రీశైలానికి తరలిస్తూ స్థానిక కుంటలను నింపడంలో నిర్లక్ష్యం వహిస్తున్నారని రైతులు ఆవేదన వ్యక్తం చేస్తున్నారు. దీనివల్ల సాగునీటికి తీవ్ర ఇబ్బందులు ఎదురవుతాయని వారు వాపోతున్నారు.