అనధికార కల్వర్టులను తొలగించాలి: పొన్నూరు కమిషనర్

పొన్నూరు పురపాలక కమిషనర్ ముప్పాళ్ల రమేశ్ బాబు గురువారం 26వ వార్డులో పర్యటించారు. ఈ సందర్భంగా డ్రైనేజీ ప్రవాహానికి అడ్డుగా ఉంటూ, ప్రజల రాకపోకలకు ఇబ్బందిగా ఉన్న అనధికార కల్వర్టులను తొలగించాలని వార్డు సిబ్బందిని, ఇంజినీరింగ్ అధికారులను ఆదేశించారు. మురుగునీటి వ్యవస్థకు ఆటంకం కలిగిస్తూ నిబంధనలకు విరుద్ధంగా నిర్మాణాలు చేపడితే కఠిన చర్యలు తీసుకుంటామని కమిషనర్ హెచ్చరించారు.