అంబుజా సిమెంట్స్‌ లాభం 90% డౌన్

అదానీ గ్రూప్‌ సంస్థ అంబుజా సిమెంట్స్‌ ప్రస్తుత ఆర్థిక సంవత్సరం రెండో త్రైమాసికంలో రూ.236 కోట్ల ఏకీకృత నికర లాభాన్ని ప్రకటించింది. గతేడాది ఇదే సమయంలో నమోదైన రూ.2,336 కోట్లతో పోలిస్తే లాభం 90% తగ్గింది. గతేడాది లాభంలో రూ.1,697 కోట్ల పన్ను ప్రొవిజన్‌ రివర్సల్‌ ఉండటం, ఇంధన, రవాణా ఖర్చులు పెరగడం, వర్షాకాల మందగమనం ప్రభావం చూపాయి. కార్యకలాపాల ఆదాయం 0.2% పెరిగి రూ.9,197 కోట్లకు చేరింది.