అమ్రాబాద్‌ టైగర్‌ రిజర్వ్‌పై ఎన్టీసీఏ దృష్టి

అమ్రాబాద్‌ పెద్దపులుల సంరక్షణ కేంద్రంపై జాతీయ పులుల సంరక్షణ ప్రాధికార సంస్థ దృష్టి సారించింది. పులుల సంరక్షణకు ప్రాధాన్యం ఇస్తూ పర్యాటక వసతులపై మార్గదర్శకాలు జారీ చేసింది. అటవీ విస్తీర్ణంలో 20 శాతం లోపు మాత్రమే పర్యాటక అభివృద్ధికి అవకాశం ఉందని అధికారులు తెలిపారు. ప్రస్తుతం ఆరు శాతం వినియోగంలో ఉండగా, మరో 14 శాతం వరకు నిర్మాణాలకు అవకాశం ఉందని డీఎఫ్‌వో వెల్లడించారు.