పల్లెల్లో చెత్త సేకరణపై ఆరోపణలు

వ్యాధులు ప్రబలే కాలంలో జిల్లాలోని పలుచోట్ల గ్రామ పంచాయతీల్లో ఇంటింటి చెత్త సేకరణ నిత్యం జరగడం లేదనే ఆరోపణలు ఉన్నాయి. ట్రాక్టర్ల మరమ్మతులు, నిధుల కొరతతో మూడు రోజులకోసారి మాత్రమే చెత్త తీస్తున్నట్లు స్థానికులు చెబుతున్నారు. ఆదాయం తక్కువగా ఉన్న పంచాయతీల్లో రోజువారీ చెత్త సేకరణ సాధ్యం కాదని అధికారులు తెలిపారు. పారిశుద్ధ్య పనులపై నిరంతరం పర్యవేక్షణ కొనసాగుతోందని పేర్కొన్నారు.