ఎయిర్‌పోర్టా రైల్వే స్టేషనా?

బెంగళూరు విమానాశ్రయం వెలుపల ప్రయాణికులు ఫుట్‌పాత్‌పై నిద్రించిన తాజా వీడియో నెట్టింట తీవ్ర చర్చకు దారితీసింది. ఈ దృశ్యాలను కొందరు రైల్వే స్టేషన్‌తో పోల్చగా, విమానాల ఆలస్యం, సీట్ల కొరత వల్లేనని మరికొందరు సమర్థించారు. పెద్ద అంతర్జాతీయ విమానాశ్రయాలలోనూ ఇది సర్వసాధారణమేనని కొందరు చెబుతుండగా, ప్రయాణికులలో పౌర బాధ్యత పూర్తిగా లోపించిందంటూ మరికొందరు తీవ్రంగా మండిపడుతున్నారు.