గేట్ స్కోరుతో ఎయిర్‌ఫోర్స్ ఉద్యోగాలు

భారత వైమానిక దళం (IAF) గేట్ (GATE) స్కోరు ఆధారంగా ఆఫీసర్స్ కేడర్ టెక్నికల్ బ్రాంచ్‌లో నియామకాల కోసం కొత్త విధానాన్ని ప్రకటించింది. అర్హత గల అభ్యర్థులు నేరుగా ఎయిర్‌ఫోర్స్ సెలక్షన్ బోర్డు (AFSB) పరీక్షలకు ఎంపికవుతారని రక్షణ మంత్రిత్వ శాఖ తెలిపింది. ఈ విధానం ద్వారా అభ్యర్థులు ప్రిలిమినరీ రాత పరీక్ష లేదా ఎయిర్‌ఫోర్స్ కామన్ అడ్మిషన్ టెస్ట్ (AFCAT) రాయాల్సిన అవసరం లేదు. కేవలం మెరిట్ ఆధారంగానే ఎంపిక ప్రక్రియ జరుగుతుంది. విద్యార్హతల్లో ఎలాంటి మార్పులు లేవని స్పష్టం చేశారు.