ఐదేళ్లుగా పరారీలో ఉన్న గంజాయి కేసు నిందితుడి అరెస్ట్

గంజాయి అక్రమ రవాణా కేసులో ఐదేళ్లుగా పరారీలో ఉన్న నిందితుడిని సాలూరు రూరల్ పోలీసులు అరెస్ట్ చేశారు. ఎస్పీ మాధవ్ రెడ్డి ఆదేశాల మేరకు నిందితుడి కదలికలపై నిఘా పెట్టారు. జీగరం గ్రామ శివారులోని ఎన్హెచ్-26పై వాహన తనిఖీలు నిర్వహిస్తుండగా పోలీసులను చూసి పారిపోయేందుకు ప్రయత్నించిన ఒడిశాకు చెందిన సంజిత్ ఖార్ (27)ను అదుపులోకి తీసుకున్నారు. అనంతరం నిందితుడిపై కేసు నమోదు చేసి తదుపరి చర్యలు చేపట్టారు.