ఏఐ (AI) వైపు బీఏటీ అడుగులు; 9,000 ఉద్యోగాల కోత

డంహిల్ సిగరెట్ల తయారీ సంస్థ 'బ్రిటిష్ అమెరికన్ టొబాకో (BAT)' వ్యయాలను తగ్గించుకోవడానికి, సాంకేతికతను పెంచుకోవడానికి ఈ ఏడాది 9,000 ఉద్యోగాలను (ఐదో వంతు సిబ్బందిని) తొలగించనుంది. ఇందులో 5,500 మందిని నేరుగా తొలగించి, మరో 3,500 ఉద్యోగాలను అవుట్‌సోర్స్ చేయనుంది. సిగరెట్లకు డిమాండ్ తగ్గడంతో కంపెనీ డిజిటల్, ఏఐ వైపు మళ్లుతోంది. ఈ మార్పుల ద్వారా 2028 నాటికి ఏటా £600 మిలియన్ల పొదుపును లక్ష్యంగా పెట్టుకుంది. ఈ వార్తతో కంపెనీ షేరు 1.4% క్షీణించింది.