బైక్ ప్రమాదాల నివారణకు 'ఏజిస్‌ రైడ్‌'

కాకినాడ ఆదిత్య విశ్వవిద్యాలయ ఇంజినీరింగ్ విద్యార్థులు ద్విచక్ర వాహన ప్రమాదాలను సమర్థంగా నివారించే లక్ష్యంతో 'ఏజిస్‌ రైడ్‌' పేరుతో ఓ వినూత్న ప్రాజెక్టును రూపకల్పన చేశారు. బైక్ ప్రమాదకరంగా వంగినప్పుడు ఇంజిన్ శక్తిని తగ్గించి, ఒకవేళ పడిపోయిన వెంటనే కుటుంబ సభ్యులకు ఆటోమేటిక్‌గా ఎస్ఎంఎస్ పంపే ఈ అద్భుత పరికరానికి వారు పేటెంట్ హక్కులు కూడా పొందడం విశేషం.