ఆదిలాబాద్ మందుల షాపుల్లో తనిఖీలు

ఆదిలాబాద్ పట్టణంలోని 12 మందుల దుకాణాల్లో ఔషధ నియంత్రణ అధికారులు సంయుక్తంగా తనిఖీలు నిర్వహించారు. మత్తు సూదిమందుల విక్రయాలపై వచ్చిన కథనాలపై స్పందించి ఈ దాడులు చేపట్టారు. పలు దుకాణాల్లో మందుల క్రయవిక్రయాల వివరాల్లో తేడాలుండటాన్ని అధికారులు గుర్తించారు. నిబంధనలు ఉల్లంఘించిన యాజమాన్యాలకు నోటీసులు జారీ చేస్తూ, వారం రోజుల్లో వివరణ ఇవ్వాలని ఆదేశించారు.