అద్దె భవనాల్లోనే అనకాపల్లి పాలన

అనకాపల్లి జిల్లా ఏర్పాటై ఏళ్లు గడుస్తున్నా కలెక్టరేట్, ఎస్పీ కార్యాలయం సహా కీలక శాఖలు అద్దె భవనాల్లోనే కొనసాగుతున్నాయి. ప్రధాన కార్యాలయాలు పట్టణానికి 4 కి.మీ దూరంలో ఉండటంతో ప్రజలు ఇబ్బందులు పడుతున్నారు. మిగిలిన శాఖలు వేర్వేరు ప్రాంతాల్లో ఉండటంతో పనుల కోసం వచ్చే వారికి రవాణా సమస్యలు ఎదురవుతున్నాయి. అద్దెలకు ప్రజాధనం ఖర్చు చేయకుండా ఒకేచోట సమీకృత భవన సముదాయం నిర్మించాలని స్థానికులు కోరుతున్నారు.