ఆదిలాబాద్ రిమ్స్‌లో ఏసీ పేలడంతో శిశువు మృతి

ఆదిలాబాద్ రిమ్స్‌లోని ఎస్ఎన్‌సీయూ వార్డులో సోమవారం అర్ధరాత్రి షార్ట్‌సర్క్యూట్ కలకలం రేపింది. ఏసీ పేలడంతో వార్డులో దట్టమైన పొగలు కమ్ముకున్నాయి. తల్లిదండ్రులు పిల్లలను తీసుకుని బయటకు పరుగులు తీశారు. ఈ ఘటనలో 5 రోజుల శిశువు మృతి చెందగా, మరో 24 మంది చిన్నారులను ప్రైవేట్ ఆసుపత్రులకు తరలించారు. వారిలో ముగ్గురి పరిస్థితి విషమంగా ఉన్నట్లు సమాచారం. అధికారులు ఘటనపై సమీక్షిస్తున్నారు.