60 వేల మంది విద్యార్థులకు మెగా కిచెన్‌

మునగాల మండలంలో రూ.9.60 కోట్లతో కేంద్రీకృత కమ్యూనిటీ కిచెన్‌ నిర్మించనున్నారు. అక్టోబర్‌ 6న ఉప ముఖ్యమంత్రి భట్టి విక్రమార్క శంకుస్థాపన చేయనున్నారు. సింగరేణి సీఎస్‌ఆర్‌ నిధులతో చేపట్టే నిర్మాణం 2027 మార్చి నాటికి పూర్తికానుంది. 1,029 ప్రభుత్వ పాఠశాలలు, జూనియర్‌ కళాశాలల్లోని 60 వేల మంది విద్యార్థులకు ఇక్కడి నుంచే అల్పాహారం, భోజనం పంపిణీ చేయనున్నారు. ఏర్పాట్లను ఆర్డీవో సూర్యనారాయణ పరిశీలించారు.