50 గజాల్లో ఒరిగిన ఐదంతస్తుల భవనం

హైదరాబాద్‌ గోపన్‌పల్లిలో కేవలం 50 గజాల్లో నిర్మించిన ఐదంతస్తుల భవనం ఒకవైపు ఒరిగింది. దీంతో అప్రమత్తమైన అధికారులు హాస్టల్‌లో ఉంటున్నవారితో పాటు చుట్టుపక్కల ఇళ్ల వారిని ఖాళీ చేయించారు. పక్కనే జరుగుతున్న భారీ నిర్మాణ పనుల కారణంగానే ఈ ప్రమాదం జరిగిందని స్థానికులు ఆరోపిస్తున్నారు. ఈ నేపథ్యంలో అధికారులు ఆ భవనాన్ని కూల్చేందుకు రంగం సిద్ధం చేస్తున్నారు.