4,500 దాటిన ఒలెక్ట్రా ఎలక్ట్రిక్‌ బస్సులు

హైదరాబాద్‌కు చెందిన ఒలెక్ట్రా గ్రీన్‌టెక్‌ దేశవ్యాప్తంగా 55 నగరాల్లో 4,500కు పైగా ఎలక్ట్రిక్‌ బస్సులను అందుబాటులోకి తెచ్చింది. తాజాగా మహారాష్ట్రలోని ఛత్రపతి సంభాజీనగర్‌లో మరో 35 ఏసీ విద్యుత్‌ బస్సులను ప్రవేశపెట్టింది. వీటిని ఈవీ ట్రాన్స్‌ సంస్థ నిర్వహించనుంది. ఈ బస్సులు ఇప్పటివరకు 75 కోట్లకు పైగా గ్రీన్‌ కిలోమీటర్ల ప్రయాణాన్ని పూర్తి చేశాయని కంపెనీ ఎండీ మహేశ్‌ బాబు తెలిపారు.