1,085 క్యాన్సర్ మందుల ధరల్లో మార్పులు

క్యాన్సర్ నిరోధక మందులకు సంబంధించి 1,085 ఔషధాల గరిష్ఠ విక్రయ ధరలను సవరించినట్లు ఔషధ ధరల నియంత్రణ సంస్థ ఎన్‌పీపీఏ ప్రకటించింది. సవరించిన ధరలు ఈ నెల 9 నుంచి అమల్లోకి రానున్నాయి. గత నెల 28న 543 క్యాన్సర్ మందుల ధరలను తగ్గించిన ఎన్‌పీపీఏ, తాజాగా మరిన్ని ఔషధాలను జాబితాలో చేర్చింది. ఔషధ తయారీ కంపెనీలు సమర్పించిన ధరల వివరాల ఆధారంగా ఈ జాబితాను ఎప్పటికప్పుడు నవీకరిస్తోంది.