హర్మూజ్ జలసంధి: ప్రాజెక్ట్ ఫ్రీడమ్‌కు బ్రేక్ వేసిన ట్రంప్

హర్మూజ్ జలసంధిలో నౌకల రక్షణ కోసం చేపట్టిన 'ప్రాజెక్ట్ ఫ్రీడమ్'ను నిలిపివేస్తున్నట్లు అమెరికా అధ్యక్షుడు డొనాల్డ్ ట్రంప్ ప్రకటించారు. ఇరాన్‌తో జరుగుతున్న దౌత్య చర్చల్లో పురోగతి రావడంతో తాత్కాలికంగా ఈ నిర్ణయం తీసుకున్నట్లు ఆయన వెల్లడించారు. అయితే, ఇరాన్ ఓడరేవులపై దిగ్బంధనం కొనసాగుతుందని ట్రంప్ స్పష్టం చేశారు. పూర్తిస్థాయి ఒప్పందం కుదిరే వరకు ఈ ప్రాజెక్టును ఆపినట్లు తెలుస్తోంది. పశ్చిమాసియా రాజకీయాల్లో ఈ పరిణామం ఇప్పుడు తీవ్ర చర్చకు దారితీసింది.