తెలంగాణ వంటగదిలోకి ఎంటీఆర్ కొత్త రుచులు: క్లిక్ చేస్తే చాలు ఇంటికే పిండి!

తెలంగాణలో పెరుగుతున్న 'రెడీ టూ ఈట్' డిమాండ్‌ను దృష్టిలో ఉంచుకుని ఎంటీఆర్ ఫుడ్స్ 'మినిట్ ఫ్రెష్' బ్యాటర్ ఉత్పత్తులను విడుదల చేసింది. దోశ, రవ్వ ఇడ్లీ పిండి రూపంలో లభించే ఈ ఉత్పత్తులను కంపెనీ సీఈవో సునయ్ భాసిన్ పరిచయం చేశారు. ప్రస్తుతానికి ఈ ఉత్పత్తులు కేవలం క్విక్ కామర్స్, ఈ-కామర్స్ ప్లాట్‌ఫామ్స్‌లో మాత్రమే అందుబాటులో ఉంటాయని సంస్థ స్పష్టం చేసింది. భవిష్యత్తులో వీటిని నేరుగా రిటైల్ మార్కెట్లోకి కూడా తీసుకురావాలని ఎంటీఆర్ ఫుడ్స్ యోచిస్తోంది.