తెలంగాణ టెన్త్ ఫలితాలు విడుదల: ఉత్తీర్ణతలో అమ్మాయిల హవా

తెలంగాణ పదో తరగతి ఫలితాల్లో 95.51 శాతం మంది విద్యార్థులు ఉత్తీర్ణులయ్యారు. బాలికలు 96.26 శాతం, బాలురు 94.07 శాతం ఉత్తీర్ణత సాధించారు. మొత్తం 5.28 లక్షల మంది విద్యార్థులు ఈ పరీక్షలకు హాజరయ్యారు. విద్యార్థులు అధికారిక వెబ్‌సైట్లతో పాటు, మీసేవా వాట్సాప్ నంబర్ (80969 58096) ద్వారా ఫలితాలను తెలుసుకోవచ్చు. వివరాల కోసం హాల్ టికెట్ నంబర్ నమోదు చేయాలని అధికారులు సూచించారు.