ఉద్యోగులకు రేవంత్ సర్కార్ కానుక: రూ.1000 కోట్ల బకాయిలు విడుదల!

తెలంగాణ ప్రభుత్వం ఉద్యోగుల పెండింగ్ మెడికల్ బిల్లులు, జీపీఎఫ్ బకాయిల కోసం రూ.1,000 కోట్లు విడుదల చేసింది. ఆర్థిక ఇబ్బందులను దృష్టిలో ఉంచుకుని నెలవారీ నిధుల కేటాయింపును పెంచుతూ డిప్యూటీ సీఎం కీలక నిర్ణయం తీసుకున్నారు. ఈ నిధులతో అక్టోబర్ 2025 వరకు ఉన్న రిటైర్మెంట్ బకాయిలన్నీ క్లియర్ అయ్యాయి. మెడికల్ బిల్లులను యుద్ధ ప్రాతిపదికన చెల్లించాలని ప్రభుత్వం ఆదేశించడంతో వేలాది మందికి ఉపశమనం లభించింది.