ఇంటర్‌ బోర్డు గందరగోళం: అడ్మిషన్ల షెడ్యూల్‌ విడుదలైన రోజే రద్దు!

తెలంగాణ ఇంటర్ బోర్డు అడ్మిషన్ల షెడ్యూల్‌ను విడుదల చేసిన ఒక్కరోజులోనే రద్దు చేయడం విద్యార్థులను గందరగోళానికి గురిచేసింది. కాలేజీల అనుబంధ గుర్తింపు ప్రక్రియ పూర్తికాకుండానే షెడ్యూల్ ఇవ్వడంపై విమర్శలు వెల్లువెత్తాయి. సంస్కరణల కోసమే ఈ నిర్ణయమని బోర్డు వెల్లడించింది. తదుపరి ఉత్తర్వులు వచ్చే వరకు అడ్మిషన్లు చేపట్టవద్దని అధికారులు స్పష్టం చేశారు. సవరించిన షెడ్యూల్‌ను త్వరలోనే విడుదల చేస్తామని ప్రకటించినప్పటికీ, బోర్డు తీరుపై తల్లిదండ్రులు తీవ్ర అసహనం వ్యక్తం చేస్తున్నారు.