జాతీయ క్రికెట్ జట్టుకు ఎంపికైన యశ్వంత్

మిర్యాలగూడకు చెందిన 12 ఏళ్ల బొల్లెద్దు యశ్వంత్, అండర్-14 జాతీయ క్రికెట్ లీగ్‌కు ఎంపికై హైదరాబాద్ జట్టుకు వైస్‌ కెప్టెన్‌గా బాధ్యతలు చేపట్టనున్నాడు. ఏడేళ్ల వయసు నుంచే శిక్షణ మొదలుపెట్టిన యశ్వంత్, తన అద్భుత ప్రదర్శనతో ఈ స్థాయికి చేరుకున్నాడు. త్వరలో గోవాలో జరగనున్న ఈ పోటీల కోసం యశ్వంత్ ఉత్సాహంగా సిద్ధమవుతున్నాడు. సచిన్, తిలక్ వర్మలను ఆదర్శంగా తీసుకున్న యశ్వంత్, భవిష్యత్తులో భారత జట్టుకు ప్రాతినిధ్యం వహించడమే తన లక్ష్యమని వెల్లడించాడు.