భారత్‌తో మ్యాచ్‌పై జపాన్ ధీమా

భారత జట్టుతో సెప్టెంబర్ 22న జరగనున్న చారిత్రాత్మక టీ20 మ్యాచ్ కోసం ఆసక్తిగా ఎదురుచూస్తున్నట్లు జపాన్ క్రికెట్ కెప్టెన్ కెండెల్ కడోవాకి ఫ్లెమింగ్ తెలిపారు. కేవలం సంబరాలకే పరిమితం కాకుండా ఓ జట్టుగా తమ సత్తా నిరూపించుకుంటామని ఆయన స్పష్టం చేశారు. ద్వైపాక్షిక సంబంధాల వార్షికోత్సవంలో భాగంగా జరగనున్న ఈ మ్యాచ్ జపాన్‌లో క్రికెట్ వృద్ధికి కీలక మైలురాయిగా నిలుస్తుందని పీటీఐ ఇంటర్వ్యూలో పేర్కొన్నారు.