విద్యార్థినులకు పోక్సో చట్టంపై అవగాహన

ఆమనగల్లు పట్టణంలోని బాలికల జెడ్పీ పాఠశాలలో విద్యార్థినులకు పోక్సో చట్టంపై అవగాహన కార్యక్రమం నిర్వహించారు. ముఖ్య అతిథిగా హాజరైన సివిల్ జడ్జి జస్టిస్ నారం అరుణ్ కుమార్ చట్టంలోని కీలక అంశాలను వివరించారు. బాలలపై లైంగిక వేధింపుల నుంచి రక్షణ, చట్టపరమైన హక్కులు, వేధింపులు ఎదురైతే తీసుకోవాల్సిన చర్యలపై అవగాహన కల్పించారు. ఎలాంటి భయం లేకుండా సమస్యలను సంబంధిత అధికారుల దృష్టికి తీసుకెళ్లాలని సూచించారు.