వెల్మకన్నెలో చాకలి ఐలమ్మ వర్ధంతి

కౌడిపల్లి మండలం వెల్మకన్నెలో చాకలి ఐలమ్మ వర్ధంతి వేడుకలను గురువారం రజక సంఘం ఆధ్వర్యంలో నిర్వహించారు. భూమి, భుక్తి కోసం, వెట్టి చాకిరీ విముక్తి కోసం ఆమె చేసిన పోరాటాన్ని వక్తలు కొనియాడారు. తెలంగాణ సాయుధ పోరాటంలో ఐలమ్మ ధైర్యసాహసాలు, పోరాట స్ఫూర్తిని గుర్తు చేసుకున్నారు. ఆమె ఆశయాల సాధనకు ప్రతి ఒక్కరూ కృషి చేయాలని పిలుపునిచ్చారు.