ట్రాక్టర్‌ బోల్తా.. 22 మందికి గాయాలు

ఖమ్మం జిల్లా చింతకాని మండలం తిమ్మినేనిపాలెం సమీపంలో వ్యవసాయ కూలీలతో వెళ్తున్న ట్రాక్టర్‌ బోల్తా పడింది. ఈ ప్రమాదంలో 22 మంది గాయపడగా, నలుగురికి తీవ్ర గాయాలయ్యాయి. నాగులవంచలో పత్తి తీసి స్వగ్రామానికి తిరిగి వస్తుండగా మూలమలుపు వద్ద ట్రాక్టర్‌ అదుపుతప్పింది. క్షతగాత్రులను అంబులెన్సుల్లో ఖమ్మం ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.